Fjord & akvakultur RIB-safari frå Øystese

Ei privat reise inn i den bortgøymde sida av Hardangerfjorden – frå urørt natur til innsikt frå fjord til bord. Turen tek dykk inn i den tronge, veglause fjordarmen Fyksesund – ein av dei mest fredfulle og autentiske delane av Hardangerfjorden. Her kombinerer me roleg fjordcruise (med eit lite adrenalin-kick undervegs) og eksklusiv lokal kunnskap om norsk oppdrettsnæring, toppa med smakar frå Hardanger.

Frå Øystese startar me ut hovudfjorden i god fart før vi svingar innover i stille Fyksesund. Fjorden smalnar, fjella reiser seg bratt på begge sider, og ein kjenner kor roleg og mektig naturen her er. Fyksesund er einaste fjordarm i Hardanger utan veg langs innsida, og landskapet er så godt som urørt av moderne infrastruktur. Undervegs blir det nokre spreke RIB-svingar og fotostopp – erfarne lokale førarar syter for trygg og morosam ferd.

Inst i Fyksesund stoppar me utanfor den veglause grenda Botnen. Her ligg historia i veggane – ei påminning om eit fjordliv som nesten har gått tapt.

På tilbaketuren går de i land ved Lingalaks Akvasenter, eit visningssenter for lakseoppdrett. Her får de ei privat omvising som følger laksen si reise frå rogn til matfisk. De lærer om berekraftig havbruk, fiskevelferd og moderne teknologi – og kvifor Hardangerfjorden er ein ideell stad for lakseoppdrett. Guiden vår, som sjølv er lokal, deler gjerne av sin kunnskap og svarar på spørsmåla de måtte ha.

Opplevinga blir avrunda med ein smakfull buffet av lokale lakserettar, servert med forfriskande Hardanger-eplemost eller prisvinnande sider frå Hardanger. Ei avslutting i roleg tempo der natur, kunnskap og smak smeltar saman – og de får nyta resultatet av fjorden sine ressursar.